Mesfushori gjerman, Toni Kroos dhe Real Madridi janë duke u përgatitur për ndeshjen e kthimit në Ligën e Kampionëve kundër Manchester Cityt e cila luhet nesër dhe madrilenët do tentojnë përmbysjen pasi kanë humbur në ndeshjen e parë.
Megjithatë, Kros ka gjetur kohë për të bërë një lidhje drejtpërdrejtë më vëllanë e tij, Felix, ku një nga ndjekësit i ka parashtruar një pyetje mjaft interesante. Ai e pyeti Kroosin se cilët lojtarë do t’i dëshironte në formacionin e tij në ndeshjen e lamtumirës.
Gjermani nuk ka hezituar aspak dhe ka bërë zgjedhjen e tij. Në portë është Manuel Neuer, me të cilin Toni Kroos ka luajtur te Bayern Munich dhe Kombëtarja e Gjermanisë. Reinartz dhe Castro janë në mbrojtje, me këtë dyshe, Kroos ka luajtur te Bayer Leverkusen. Aty nuk mungon edhe Sergio Ramos.
Kimmich dhe Casemiro janë në pjesën defansive të mesfushës, ndërsa në pjesën para, janë Modric, dhe vetë ai. Gjermani në fazën sulmuese ka zgjedhur Mullerin, Klosen dhe Cristiano Ronaldon, me këtë të fundit që e cilëson si më të mirin me të cilin ka luajtur.