Juventusi ia ka marrë dorën shkëmbimit të futbollistëve. Pasi kompletoi me sukses marrëveshjen, Pjaniç-Artur me Barcelonën, tani ekipi bardhezi po mendon për një tjetër shkëmbim.
Bardhezinjtë kanë ardhur me një ide të çmendur, atë të një shkëmbimi me kampionët e Premier Leagues, Liverpoolin.
Kampionët e Italisë po mendojnë të japin Dauglas Costën dhe të marrin nga Liverpooli mesfushorin Fabinho.
Liverpooli është shumë pranë blerjes së Thiago Alcantarës nga Bayern Mynihu dhe spanjolli do merrte vendin e Fabinhos në skemat e Kloppit.
Fabinho ka një çmim prej 50 milionë eurosh ndërsa Costa vlerësohet 30 milionë euro, por dy klubet mund të gjejnë marrëveshjen pasi shifrat nuk lëvizin shumë.