JOQ Albania
App Store
SHKARKO
Home
JOQ Albania

Deputetja shqiptare dhe dy fëmijët e saj infektohen me koronavirus
Shkruar nga: G Hasani | Publikuar më: 05/08/2020 14:38

  • Share
  • Share
  • Share
  • Share

Një tjetër politikane në Kosovë është infektuar me koronavirus.

Bëhet fjalë për deputeten e Aleancës për Ardhmërinë e Kosovës, Donika Kadaj-Bujupi.

Bashkë me të, pozitiv kanë rezultuar edhe dy fëmijët e saj, Dardani dhe Doruntina.

Përmes një postimi në Facebook ajo ka treguar se ka marrë rezultatin e testit dhe po respekton rekomandimet e Institutit Kombëtar të Shëndetit Publik.

Postimi i saj:

Të dashur miq, dje kam rezultuar pozitiv në testin për Covid-19. Njëjtë sikur unë, edhe dy fëmijët e mi, Dardani e Doruntina. Prej se e kemi marrë testin jemi vetëizoluar dhe do të qëndrojmë kështu duke respektuar rekomandimet e IKShPK, të cilët i falënderoj për punën e pandalshme e të palodhshme. Është momenti ta ruajmë njëri-tjetrin, duke ndjekur veç tre hapa: mbajtje të maskës, mbajtje të distancës dhe mbajtje të higjienës personale.