Një nga shpërthimet më të mëdha në botë u regjistrua ditën e djeshme në portin e Bejrutit, duke vrarë të paktën 100 persona dhe duke plagosur mijëra të tjerë.
Shpërthimi që tronditi gjithë botën me pamjet tragjike, e ktheu kryeqytetin e Libanit në një vend fantazëm.
Deri më tani dyshohet se shpërthimi ka ardhur nga 2,750 ton nitrat amoniumi, e cila mbahej në një magazinë të vjetër për më shumë se 6 vite.
Banorët e kryeqytetit janë përballur me momente tmerri, frike dhe ankthi, teksa në rrugë shihje persona të gjakosur dhe të shtrirë në tokë.
Së fundmi janë publikuar edhe pamje nga spitali në Bejrut, ku persona të plagosur shihen teksa marrin ndihmën mjeksore. Spitali është kthyer në një vend kaos ku nuk mungojnë ulërimat dhe gjaku në dysheme.
Autoritetet qeveritare kanë vendosur që të shpallin ditë zie për vendin.
