JOQ Albania
App Store
SHKARKO
Home
JOQ Albania

“Guroret po rrezikojnë historinë që përfaqëson kalaja e Dorzit”
Shkruar nga: V Gashi | Publikuar më: 04/08/2020 20:09

  • Share
  • Share
  • Share
  • Share

Kalaja e Dorzit në Pezë është një nga dëshmitë e gjalla të jetesës urbane në Shqipëri. Ndërtimi i saj daton në fillim të shekullit XIV ose afro 3300-3400 vjeçare. E vlerësuar nga arkeologët dhe historianët si një nga vendbanimet para kohës Ilire, ajo sot po rrezikon shfarosjen nga mania e të bërit biznes. Pikërisht një gurore në zonën e Pezës po rrezikon seriozisht humbjen e gjurmëve të kësaj kalaje historike.

Ambjentalisti Abdulla Diku thotë në një intervistë për Ora News se Bashkia e Tiranës nuk ka bërë asnjë përpjekje për të mbrojtur muret e kalasë. Shqetësimi i tij është real pasi çdo ditë e më tepër gurorja e zonës po dëmton strukturat në të cilat ngrihen muret e saj. Për këtë ambientalisti Diku fton të gjithë shoqërinë të mbrojë një nga vendet më historike të kryeqytetit.

Abdulla Diku thotë:

Ajo reja e madhe e pluhurit që filon që nga rezervuari i Fjollës ngrihet deri tek kalaja e Dorzit dhe pastaj vijon gjatë gjithë rrugës së asflatuar poshtë për në Pezë. Si e tillë, duhej që e gjithë kjo situatë të ishte zgjidhur menjëherë me pezullimin e lejës minerare të shfrytëzuesve që kanë guroren aty dhe kalaja jo të ishte një njollë në hartën e aseteve turistike të Tiranës. Është çështje biznesi, ajo dikton si për shumë gjëra të tjera. Vendimarrjen, ndërhyrjen në struktura të tilla të trashëgimisë kulturore. Kjo e bën joefektive të gjithë këtë kuadër ligjor që kemi. Sigurisht që është dhe detyra e ambjentalistëve, organizatave të Shoqërisë Civile që të ngrenë zërin për ta mbrojtur këtë aset pasi dalëngadalë po i vjen rradha çdo kalaje dhe çdo monumenti kulture e historie që të shuhen një nga një.