JOQ Albania
App Store
SHKARKO
Home
JOQ Albania

SKANDALI/ Dekania e sapozgjedhur e Shkencave Mjekësore kapet me plagjiaturë, vodhi punimin për titullin “Doktor”
Shkruar nga: G Hasani | Publikuar më: 04/08/2020 13:32

  • Share
  • Share
  • Share
  • Share

Skandali i plagjiaturave nuk ka të mbaruar në Universitetet Shqiptare. Shumë pedagogë, kryesisht në fakultetin e Shkencave Mjekësore janë kapur teksa kanë botuar punime të huaja për të marrë titullin “Doktor”.

Kështu ka ndodhur dhe me dekanen e sapozgjedhur në Fakultetin e Shkencave Mjekësore Teknike, Ilirjana Zekja.

Hapur fare, përmes një emaili drejtuar rektorit të Universitetit ajo akuzohet nga një profesor amerikan, Gregory Piazza, se ka vjedhur pjesë të punimit të tij të botuar në një revistë të huaj. Ky botim i këtij punimi e ka ndihmuar atë që të marrë titullin “Doktor”.

Kjo letër është dërguar edhe nga dekania në largim, Tatjana Cina.

Në redaksinë e JOQ ALBANIA ka mbërritur edhe letra e plotë drejtuar rektorit të Universitetit, Arben Gjata, por deri më tani nuk ka asnjë reagim. Mësohet se plagjiatura për Zekjan është verifikuar dhe ka rezultuar se punimi i profesorit amerikan është vjedhur nga dekania e sapozgjedhur.