JOQ Albania
App Store
SHKARKO
Home
JOQ Albania

Surprizon Benzema: Kam idhull Tyson, pas futbollit mund t’i futem boksit
Shkruar nga: K Demiraj | Publikuar më: 03/08/2020 21:55

  • Share
  • Share
  • Share
  • Share

Sulmuesi francez, Karim Benzema i ka befasuar të gjithë me deklaratën e tij të fundit duke thënë se ai po tenton debutimin në boks.

Ai thotë se sapo të përfundojë karrierën në futboll, atëherë do të përgatitet për një aventurë në boks.

Në një intervistë me kickbokserin Fouad Ebiri, Benzema ka thënë se i adhuron sportet luftarake, duke mos fshehur dashurinë për legjendën Mike Tyson.

Benzema u shpreh:

Gjithmonë i shikoj me shumë vëmendje sportet luftarake, e adhuroj të stërvitem. Kur të përfundojë karriera ime në futboll, pse mos të stërvitem dhe unë në boks disa muaj? A mund të ngjitem në ring? Sigurisht, nuk do të kem problem që të debutoj. Betohem në Zot, jam gati për të. Mike Tyson është legjenda që e kam parë me admirim dhe gjithmonë në rrugë me shokët kam bërë lëvizjet e tij."

Kujtojmë që Karim Benzema vijon të gëzojë një formë të jashtëzakonshme sportive. Sulmuesi francez ka marrë për dore këtë sezon Real Madridin me golat e tij drejt fitimit të La ligës.