JOQ Albania
App Store
SHKARKO
Home
JOQ Albania

Verdiktet e Serisë A/ Nga titulli te rënia nga kategoria
Shkruar nga: A Shehaj | Publikuar më: 03/08/2020 1:28

  • Share
  • Share
  • Share
  • Share

Kampionati më i çuditshëm në historinë e futbollit italian përfundoi në mbrëmjen e 2 gushtit me shpëtimin e Genoas, e cili mundi Veronën me rezultatin e thellë 3-0, dhe rënien e Lecce, i cili u mund 3-4 në shtëpi nga Parma.

Të shtunën në mbrëmje Juventus festoi kampionatin e nëntë radhazi, Inter mundi Atalanta duke e mbyllur sezonin në vendin e dytë me vetëm një pikë më pak se bardhezinjtë. Lazio me golashënuesin më të mirë të kampionatit italian dhe të pesë ligave kryesore europiane, përfundoi e katërta, vend që i siguron pjesëmarrjen në Champions League, por me një yll.

Napoli dhe Roma siguruan një vend në grupet e Europa League, ndërsa Milanit do t'i duhet të luajë në fazën elimintarore.

Në Serinë B së bashku me Lecce, përfunduan edhe Spal dhe Brescia.

Këto janë të gjitha verdiktet:

Titulli: Juventus

Në Champions League: Juventus, Inter, Atalanta e Lazio (nëse Napoli dhe Roma nuk fitojnë Champions dhe Europa League)

Në Europa League: Napoli (fitues i Kupës së Italisë) dhe Roma, por të dy mund të kualifikohen në Champions League në rast se fitojnë kupat e tyre përkatëse evropiane. Në atë rast Lazio do të shkonte në Europa League

Në fazën paraeliminatore: Milani (nëse Roma fiton në Europa League, kuqezinjtë në grupe dhe Sassuolo në paraeliminatore)

Bien nga kategoria: Lecce, Brescia dhe Spal

Golashënues: Ciro Immobile (Lazio) me 36 gola, fitues i Këpucës së Artë

Burimi: Sport Mediaset | Përktheu dhe Përshtati: JOQ Albania