Është shtruar në spitalin Covid-2, mjeku Alban Hatibi, i cili ishte infektuar me koronavirus disa ditë më parë.
Mësohet se gjendja e mjekut, është përkeqësuar së fundmi, dhe është dashur që ai të shtrohet në reanimacion. Mësohet se Hatibi është vetë mjek anestezist-reanimator në Spitalin “Shefqet Ndroqi”, nga ku dyshohet se edhe është infektuar.
Kujtojmë se MSH njoftoi sot katër viktima dhe 120 të infektuar. Sëmundjes nuk i kanë shpëtuar as dhjetra personel mjekësor, të cilët janë në frontin e parë të përballjes me Covid 19.