Shkencëtarët pretëndojnë se më në fund kanë zbuluar se si koronavirusi i bën pacientët të humbasin ndjesinë e nuhatjes. Deri më tani kërkuesit ishin të surprizuar për faktin që të infektuarit me koronavirus nuk mund të nuhatnin. Shkencëtarët në Fakultetin e Mjekësisë në Harvard hetuan këtë simptomë dhe thonë që lajmi i mirë është se humbja e aftësisë për të nuhatur nuk zgjat përgjithmonë. Ata arritën në përfundimin se neuronet të cilat pikasin aromat dhe i dërgojnë sinjalet në tru nuk janë të ndjeshme ndaj Covid-19.
Përkundrazi, ekzistojnë disa qeliza që u japin mbrojtje strukturale neuroneve të nuhatjes të cilat janë të depërtuara nga virusi, kjo shpjegon përse pacientët humbasin përkohësisht aftësinë për të nuhatur. Por shkencërarët thonë se neuronet nuk kanë nevojë të ndërtohen nga e para, gjë që mund të marrë shumë muaj ose në rastin më të keq nuk ndodh kurrë.
Ky zbulim është një lajm i mirë për personat që kishin frikë se nuk do të ishin në gjendje të përdornin shqisën e nuhatjes kurrë më. Shkencëtarët ranë në përfundimin se ky mund të jetë një problem vetëm për 10 për qind të pacientëve.
Burimi: Daily Mail Përktheu dhe përshtati: JOQ ALBANIA