Gjigantët e ilaçeve GlaxoSmithKline dhe Sanofi Pasteur thanë të premten se kanë arritur marrëveshjen me qeverinë federale amerikane për të paguar deri në 2.1 miliardë dollarë, në mënyrë që kërkimet për vakisnën Covid-19 të ecin përpara. Kompanitë kishin thënë në prill se do të punonin së bashku për të bërë një vaksinë kundër Covid-19, duke përdorur teknologjinë e vaksinës të "Sanofi" dhe ndihmësin e Glaxo, një përbërës që rrit fuqinë e një vaksine.
Tani ata kanë një marrëveshje me qeverinë e SHBA për të prodhuar deri në 100 milion doza vaksina vitin e ardhshëm, me një mundësi për 500 milion doza të tjera. Ky është njoftimi më i madh i financimit për një vaksinë të "Operacionit Warp Speed" deri më tani.
"Nevoja globale për një vaksinë për të ndihmuar në parandalimin e COVID-19 është masive, dhe asnjë vaksinë apo kompani e vetme nuk do të jetë në gjendje të përmbushë kërkesën globale vetëm," tha Thomas Triomphe, nënkryetar ekzekutiv dhe kreu global i Sanofi Pasteur, në një deklaratë. Kompanitë thanë që ata planifikojnë të fillojnë një studim të kombinuar të fazës 1/2 të sigurisë në shtator, me një provë të përparuar të efikasitetit të fazës 3, nëse gjithçka shkon mirë, deri në fund të vitit.
Burimi:CNN|Përktheu dhe Përshtati: JOQ Albania
