Besojmë se i kujtoni postimet në Facebook të pashait të Surrelit me ‘Fjalë të Shenjta’ nga Kurani e Bibla. Dy librat më të shenjtë të besimit në botë të cilat udhëzojnë këdo që kërkon të afrohet me Zotin. Por pashai nuk njeh Zot e as fe. Po ta njihte, nuk do të lejonte ngritjen e një kazinoje në zemër të Tiranës. Bëhet fjalë pikërisht për kazinonë që pritet të hapet së shpejti në Hotel Plazza. Me të dyja këmbët, piktori i zhgarravinave, pasi shkeli mu në mes të Tiranës sixhaden ku besimtarët musliman po faleshin, këtë herë shkeli edhe ligjin.
Sipas ligjit, edhe nëse janë me licencë, hapja e kazinove nuk lejohet në qendër të qyteteve, por vetëm në “Resorte-hotele me 5 Yje”; të cilët ndodhen jashtë “vijës së verdhë” të qendrave të populluara. Me Udhëzim Nr. 5, datë 09.01.2017, të firmosur nga Ish-ministri Arben Ahmetaj, “klient çift” i hotel “Plazza”; përcaktohet ky detyrim: Shoqëritë e licensuara për lojëra fati të çdo lloji, nuk mund të ndërtojnë, blejnë, ose marrin me qira e të hapin akvitet biznesi të tillë; më afër se 100 metër në vijë ajrore, largësi nga institucionet fetare, arsimore, kulturore e shtetërore.
Në rastin konkret, hotel “Plazza” që ka hapur kazino “Maritim” brenda saj; është 62 metër larg qendrës fetare “Helevitike”, 35 metër larg Xhamisë së Tiranës e Bashkisë Tiranë, 85 metër larg Xhamisë së Re, 100 larg katedrales katolike, 40 metër larg Ministrisë së Brendshme, 25 metër larg KLSH e disa institucioneve të tjera.
Atëherë përse brenda këtij përimetri pashai i sarajeve të Surrelit lejoi hapjen e një kazinoje?! Në fillim të vitit 2019, pashai la pa punë afro 13 mijë njerëz të cilët ishin pjesë e shërbimit të Llotove. Pasi i hodhi ata në rrugë, pashai lejoi ngritjen e kazinove. Vetëm një i pafe si ai dhe një shkelës i plotë i ligjit mund të arrinte në këtë pikë. E mos u habisni kur në dyert e kazinove të shihni zyrtarët e qeverisë, pasi kazinoja është cilësuar gjithmonë si vendi ku pasanikët dëfrehen.