JOQ Albania
App Store
SHKARKO
Home
JOQ Albania

“Nuk është koha për futboll”, shfryn Tevez: Pandemia po na shkatërron, spitalet në kolaps
Shkruar nga: K Demiraj | Publikuar më: 31/07/2020 12:05

  • Share
  • Share
  • Share
  • Share

Koronavorusi po vazhdon përhapjen me shpejtësi në çdo cep të botës dhe një sektor i prekur është edhe futbolli. Kjo lojë po zhvillohet me ndryshime të mëdha për shkak të pandemisë.

Së fundmi, sulmuesi i njohur argjentinas, Karlos Tevez, bën apel që futbolli të ndërpritet, për shkak të situatës së jashtëzakonshme në Argjentinë prej koronavirusit. Mbi 178 mijë persona janë infektuar me Covid-19, teksa numri i personave që kanë humbur jetën ka kaluar shifrën 3300.

Në një prononcim për “Tyc Sport”, bomberi i Boka Zhuniors, i cili në të kaluarën ka fituar shumë trofe të rëndësishëm me skuadra Europiane, rrëfen situatën i shqetësuar.

Ai u shpreh:

Nuk është momenti për të luajtur futboll, shumë njerëz po vdesin. Ka shumë presion nga të gjithë anët, por është shumë e vështirë të kthehesh në fushë kur sheh kaq persona që po humbasin jetën. Nuk është momenti i duhur. Spitalet janë në kolaps. Edhe familja e nuses time u prek, por ata janë të fortë dhe ia dolën të shërohen. CONMEBOL ka zgjedhur 15 shtatorin për rifillimin e Kupës Libertadores, por nuk duhet të nxitohemi. Jam i shqetësuar për shëndetin e njerëzve. E di që ka shumë biznes brenda futbollit, por shumë njerëz janë të sëmurë dhe po luftojnë me jetët e tyre“.