Carlo Ancelotti do një "bomber" në ekip dhe së fundmi ka shfaqur interesim për transferimin e sulmuesit të Lazios, Ciro Immobile te skuadra e Evertonit në Premier League.
Ancelotti beson se “Toffees” kanë nevojë për një nuhatës goli në sezonin e ardhshëm dhe ka identifikuar si të duhurin golashënuesin më të mirë të sezonit në Serie A aktualisht.
Immobile ka shënuar 34 gola në Serie A gjatë këtij sezoni duke mbajtur kryesimin e e listës, i ndjekur nga Ronaldo me 31. Italiani ka kontratë me Lazion deri më 2023, por një ofertë e mirë financiare do bindë drejtuesit të vendosin për shitjen e tij.