E trishtë/ “Mos vdeksha pa parë Tiranën kampion”, ndahet nga jeta tifozi besnik i bardhebluve

Pas 11 vitesh pritje, Tirana u shpall këtë sezon kampion i Superligës shqiptare duke ngritur lart trofeun që tifozët mezi e prisnin prej shumë vitesh.

Njëri prej tyre ishte edhe Abdullah Krutani, një i moshuar i cili gjithë jetën mbështeti pa kushte ngjyrat bardheblu. Para disa kohësh, Krutani ishte shprehur se nuk do të vdiste pa e parë Tiranën kampione.

Dhe ashtu ndodhi. Abdullahu nuk i mbylli sytë pa e parë Tiranën edhe njëherë si ekipin më të mirë të kampionatit.

Me dëshirën e realizuar, ai është ndarë dje nga jeta në moshën 95-vjeçare, por me asnjë peng në shpirtin e tij.

Krutani rrëfente:

Mu dridhte zemra kur dilte Tirana në fushë, se vërtetë tifozlliku ishte tifozllik, por ka qenë i përmbajtur. Tani ndeshjet i shoh në televizor, se mi ka marrë zoti sytë. Ne kemi qenë tifozë me vertet dhe kur dilnim nga stadium, kapeshim në qafë me njeri tjetrin, jo urrejtje ndaj njëri tjetrit.N ë vitin 1934 fillova të dëgjoj emrin e futbollit. Dhe vellai im ishte më i madh dhe më thoshte Tirana kështu e ashtu. Dhe i thosha unë, ‘cfarë Tiranë’. Eh mo Abdulla, më thosh, është top futbolli. Fatmir Frashëri dhe Ali Mema ishin zemra ime. Dhe natën kur bija për të fjetur nuk më zinte gjumi. I doja me gjithë zemër. Mos vdeksha kurrë pa e parë Tiranën në krye të klasifikimit.

Abdullah Krutani tani prehet i qetë në banesën e fundit. Jeta e tij nuk ka qenë dhe aq e thjeshtë, pasi njihet edhe si personi që doli i gjallë nga kampet e përqëndrimit në Mathausen, pas Luftës së Dytë Botërore. Në ceremoninë e tij të varrimit ka qenë prezent edhe presidenti i Tiranës, Refik Halili për t'i dhënë lamtumirën tifozit besnik.