Liverpooli ka nisur merkaton dhe Jurgen Klopp i ka vendosur drejtuesve në tavolinë emrat e lojtarëve që dëshiron për të përforcuar ekipin.
Njëri prej tyre është edhe Harvey Barnes, i cili mund të largohet nga Leicester City për t’iu bashkuar Liverpoolit.
Klopp dëshiron të rrisë konkurrencën në krahun e majtë të sulmit, duke u fuqizuar në pjesën ofensive dhe Barnes duket i duhuri.
Ai ka shënuar gjashtë gola dhe ka regjistruar tetë asiste në 36 ndeshje të këtij sezoni.
Sipas Transfermarkt, vlera e Barnes është 17.5 milionë euro dhe ai ka kontratë me Leicesterin deri në vitin 2024.
Barnes është pjesë e Leicesterit që nga viti 2007, duke iu bashkuar kësaj skuadre si fëmijë. Për t'u formuar si futbollist, ai është huazuar edhe te skuadra si Milton Keynes Dons, Barnsley dhe WBA.