Tre raste me koronavirus janë shënuar së fundmi në qytetin e Pogradecit. Mësohet se të infektuar janë tre shtetas gjermanë, mes tyre një çift, të cilët jetojnë prej kohësh në këtë qytet.
Ata janë infektuar gjatë një udhëtimi disaditor në Tiranë, ndërsa pas kthimit kanë shfaqur shenja të COVID-19.
Pas testit pozitiv po bëhet e mundur hetimi epidemiologjik i tyre.
Kujtojmë se 3 rastet e sotme e çojnë qytetin liqenor në një shifër total prej 13 personash të prekur me Covid-19.
Ndërkohë gjithsej në qarkun e Korçës janë 34 persona të prekur nga ky virus me një shtrirje tashmë në 4 bashki.