Lionel Messi pritet të largohet nga Barcelona në fund të sezonit të ardhshëm. Lajmin e konfirmojnë mediat spanjolle, të cilat shprehen se argjentinasi është mërzitur nga mungesa e një projekti fitues.
Kontrata e Messit me Barcelonën skadon në vitin e ardhshëm. Prej kohësh pritej që Messi të nënshkruante një marrëveshje të re që do ta mbante në klub deri në vitin 2023, por kjo nuk do ndodhë.
të paktën kështu pretendon "Cadena Ser" duke raportuar se lojtari tani ka ndryshuar mendje dhe në vend të rinovimit, ka vendosur të largohet kur marrëveshja të përfundojë.
Në fillim të sezonit, Messi dhe lojtarët tjerë u fajësuan nga Eric Abidal për largimin e Ernesto Valvede, pas humbjes nga Atletico Madrid në finale të Superkupës së Spanjës.
Messi kishte reaguar menjëherë, duke thënë se nuk ka asgjë të bëjë me largimin e Abidal. Gjërat nuk janë mirë edhe me Quique Setien, i cili duket se do ta humbasë luftën për titull në La Liga, me Real Madrid, katër pikë më shumë se Barcelona.
Në rast largimi nga Barcelona, e ardhmja e Messit mund të jetë në Argjentinë, te klubi i Newell Old Boy, klubi i tij i fëmijërisë. Një hipotezë tjetër është edhe transferimi në kampionatin amerikan të futbollit, MLS.