34-vjeçarja Blerta Josifi që u gjend në gjendje të rëndë për jetën mbrëmjen e djeshme në banesë krah motrës dhe nënës së vdekur ka dalë jashtë çdo rreziku për jetën pas shtrimit në spital.
Pas shtrimit në QSUT ku iu bënë të gjitha ekzaminimet, Blerta u transferua në spitalin Psikiatrik dhe gjendja e saj aktualisht është më e qetë.
Zhaneta Josifi, 56-vjeç dhe e bija, Anisa, 30 vjeçe u gjetën pajetë në banesën e tyre, ndërsa Blerta, 34 vjeçe është dërguar në spital në gjendje të rëndë, që paraprakisht dyshohet të jetë shkaktuar për shkak të mungesës së ushqyerjes së saj.
Mësohet se pavarësisht gjendjes së saj të rëndë, Blerta u ka komunikuar shkurtimisht grupit hetimor këto fjalë:
Se keni idenë çfarë kaluam ne për të fituar ringjalljen.
Policia raporton se bëhet fjalë për vetëflijim pasi në trupat e viktimave nuk janë gjetur shenja dhune.
Për të nxjerrë kohën ekzakte të vdekjes së Anisës do duhet kohë pasi trupi i saj u gjet i dekompozuar deri në 50%. 
