Festa e titullit duhet të shtyhet për Liverpoolin. Kjo pasi Manchester City i drejtuar nga Pep Guardiola shkatërroi ekipin e Jurgen Klopp, duke e mposhtur me rezultatin 4-0.
Seria e golave u hap në minutën e 25′, kur Kevin De Bruyne u tregua i saktë nga pika e bardhë e penalltisë. Vetëm 10 minuta më vonë, Sterling shënoi për 2-0.
Pak pa përfunduar pjesa e parë, Phil Foden u përkujdes që të shënonte edhe një herë me vendasit, të cilët shkonin në pauzën mes dy pjesëve me 3 gola epërsi.
Goli i katërt i këtij takimi u shënua në minutën e 66′, kur Alex Chamberlain devijoi drejt golit goditjen e Sterling.
City pati mundësi të mira me Mahrez e De Bruyne deri në fund të takimit, por nuk arriti të shënonte golin e pestë.
Me këtë fitore, ‘Citizens’ shkojnë në kuotën e 66 pikëve për pozitën e dytë, kurse Liverpool mbetet me 86 pikë, me epitetin tashmë kampion, por festa dhe shampanja do shtyhen për ndeshjen e ardhshme, pasi nuk kanë mundur të festojnë pas këtij rezultati zhgënjyes
