Mesa duket Rama dhe Lleshi nuk ngopen duke dhunuar gazetarët në Shipëri. Pas censurimeve dhe dhunës fizike tashmë po vendosen edhe gjoba.
Kështu ka ndodhur me gazetarin e njohur, Alfred Lela, i cili u dhunua dhe u tërhoq zvarrë nga policia e LLeshit më 17 Maj, ditën kur Rilindja rrënoi Teatrin Kombëtar.
Lela është gjobitur nga policia me 200 mijë lekë.
Lajmin e ka bërë të ditur vetë ai përmes një postimi në Facebook.
Postimi i Lelës:
Pas ‘kërcënimit’ që paskësha përbërë për punonjëset e Policisë më 17 të majit në LalErvardin e Tiranës, komisarët e partisë së Leshit më gjobisin me 200 mije (petrita komunistë lule) për ecje në Pedonale, pa leje, m’u nën hundë të kovidioteve nëntëmbëdhjetë. Po atë ditë. S’ka gjë se pEdonalja atë ditë të lume qe e bllokuar nga trimat e Leshit. Çfare gallate!Tani do shkoj çdo ditë te Drejtoria e Policisë për t’u pajisur me lejen e gazetarit, se në shtetin e këtyre ushtrimi i zanatit është sipas orëve dhe logjikave policore.