E reja nuk mbetej dot shtatzënë, nëna e saj 51-vjeçare vendos t’i bëhet surrogato

Një grua që nuk ishte në gjendje të mbetej shtatzënë pas shumë vitesh përpjekje, më në fund po lind një fëmijë me ndihmën e nënës së saj 51-vjeçare.

Breanna Lockwood dhe burri i saj Aaron shpresuan të kishin një fëmijë menjëherë pasi u martuan në qershor 2016, por shpejt mësuan lajmin tronditës se ajo nuk mund të mbetej shtatzënë.

Pas muajsh përpjekjesh, çifti vendosi të kërkojë ndihmë nga një klinikë në Illinois, ku u rekomandua që ata të fillojnë trajtimin e fertilitetit.

Ata e bënë këtë, por sërish nuk rezultoi e suksesshme, pasi ajo kishte një problem në mitër dhe për trajtimin e tij duheshin rreth 100.000 dollarë.

Kështu që nëna e Breanna-s, Julie Loving, u ofroi atyre një zgjidhje tjetër, duke dalë vullnetare që të bëhej surrogate e tyre.

Në fillim vajza u çudit dhe hezitoi, por përfundimisht mamaja e saj vendosi që të mbetej shtatzënë, duke bartur fëmijën biologjik të çiftit dhe njëkohësisht nipin e saj.

Nëna tha:

E dija që isha e shëndetshme, edhe pse në moshën 51-vjeçare dhe e dija që mund ta bëja këtë për të, u kujdesa mirë për veten time. Në të vërtetë nuk ndjehem 50, ndjehem 30!

Burimi:UNILAD|Përktheu dhe Përshtati: JOQ Albania