Një dhëndër në Indi ka vdekur dhe të paktën 95 të ftuar kanë rezultuar pozitivë për Covid-19, pasi familja e tij e bindi atë të bënte dasmën, pavarësisht shfaqjes së simptomave të ngjashme me koronavirusin.
Zyrtarët shëndetësorë thonë se inxhinieri 30-vjeçar ishte ankuar se kishte ethe para ceremonisë, por familja e tij i tha që të merrte paracetamol për të kaluar dasmën.
Gjendja e tij u përkeqësua pas dasmës dhe familja e çoi në një spital aty pranë, por ai u rrëzua në rrugë dhe u shpall i vdekur.
Dhëndri, i cili ishte nga Gurugram, një qytet në perëndim të New Delhi-t, ishte kthyer përsëri në qytetin e tij të lindjes, një fshat rural në rrethin Patna, Bihar, India lindore për t'u martuar.
Gjykatësi i rrethit ka urdhëruar që të fillojë një hetim për të shqyrtuar çështjen.
Burimi:Ladbible|Përktheu dhe Përshtati: JOQ Albania
