Situatë e vështirë tek Infektivi: Nëntë pacientë në terapi intensive dhe dy të intubuar në gjendje të rëndë

Koronavirusi po merr një përhapje shqetësuese në Shqipëri prej momentit të heqjes së izolimit. Mësohet se nëntë pacientë ndodhen momentalisht në terapi intensive dhe dy të intubuar në gjendje të rëndë për jetën.

Ndërsa vijon shtimi i rasteve të personave që shtrohen tek Infektivi për shkak të virusit.

Ministria e Shëndetësisë ka njoftuar sot se “vijon të ketë shtrime të reja në spitalin infektiv, ku aktualisht po trajtohen 78 pacientë, nëntë prej tyre janë në terapi intensive, ndërsa dy janë të intubuar në gjendje të rëndë”.

Përballë kësaj situate, Rovena Daja nga ISHP, apeloi sot për shtim të kujdesit nga ana e çdo qytetari.

Ministria e Shëndetësisë dhe Mbrojtjes Sociale i drejtohet çdo qytetari, të tregojë kujdes të shtuar në çdo ambient, në ambientet e punës apo ku ofrohen shërbime, për të respektuar masat e higjienës, distancës fizike, shmangien e kontakteve dhe apelon për vendosjen e maskës, kur nuk është e mundur të ruhet distanca.

COVID-19 – Statistika (2 Korrik 2020)

Testime totale 27671

Raste pozitive 2662

Raste të shëruara 1559

Raste Aktive 1034

Humbje jete 69 (Qarku Tiranë 38, Durrës 11, Fier 5, Vlorë 2, Shkodër 10, Kukës 1, Elbasan 2).