Pastrim parash dhe trafikim kokaine në Londër, kush është shqiptari që u dënua me 4 vjet burg

Amir Shkrela 27 vjeç, është shqiptari që u dënua me katër vjet burg në Britani, pasi ai pranoi se ishte i përfshirë në trafikim kokaine dhe pastrim parash.

Ai ishte banues në Goldhawk Road, Londër, dhe u vu nën mbikëqyrjen e policisë më 23 maj të këtij viti, ndërkohë që u pa të hipte në një makinë më dy çanta në duar.

Më pas efektivët vepruan dhe bënë të mundur arrestimin e tij. Gjatë kontrollit iu gjetën dhe tre kg kokainë e cila iu sekuestrua.

Gjithashtu u gjet dhe një shumë e konsiderushme parash prej 181 mijë paund dhe një dokument fals identiteti me fotografinë e tij në të.

Ditën e djeshme Gjykata e Kurorës në Inner London, shpalli fajtor Shkrelën për furnizimin me drogë (kokainë), pastrim parash dhe mbajtje të një dokumenti identiteti të rremë, dhe ndaj tij u mor vendimi i dënimit me katër vjet burg.

Matt McMillan, hetues nga Partneriteti për Krimin e Organizuar tha:

Ky është edhe një sukses tjetër për OCP, duke demonstruar se forcat e kombinuara të Shërbimit të Policisë Metropolitane dhe Agjencisë Kombëtare të Krimit janë angazhuar për të mbrojtur publikun dhe sjelljen e kriminelëve para drejtësisë. Kapja e drogave dhe parave të gatshme ka një ndikim të madh në grupet më të gjera të krimit të organizuar që janë të përfshirë në shpërndarjen e drogës, dhe i parandalon ata të investojnë fitime të mëtejshme.

Burimi:WIREDGOV|Përktheu dhe Përshtati: JOQ Albania