Me këmbë prej proteze, 5-vjeçari ecën 10 km dhe mbledh 1 milion £ për spitalin që i shpëtoi jetën

Një djalë pesë vjeçar me dy këmbë prej proteze ka përfunduar një sfidë heroike ecjeje dhe ka mbledhur më shumë se 1 milion £ për spitalin NHS që i shpëtoi jetën.

Ai u përpoq të mbledhë 500 £ për spitalin që i shpëtoi jetën duke ecur 10 km në 30 ditë.

Por përpjekjet e tij të jashtëzakonshme prekën zemrat e dhjetëra mijëra njerëzve, me një shumë mahnitëse prej 1,073,121£ për Spitalin e Fëmijëve Evelina London, në vetëm një muaj.

Toni e kishte pak problem të ecte me këmbët prej proteze, por ishte i vendosur të ndiqte gjurmët e heroit të tij, Kapiten Tom Moore.

Ai përqafoi prindërit që e kanë birësuar Paula dhe Mark Hudgell, ndërsa kaloi në vijën e finishit në qytetin e tij të lindjes West Malling në Kent, të martën pasdite pasi përfundoi sfidën e tij.

Aty u bashkuan të gjithë miqtë, familja dhe stafi i spitalit për të festuar arritjen e Tony.

Zonja Hudgell, 52 vjeç, tha:

Është e jashtëzakonshme të mendosh që vetëm disa javë më parë Toni mezi mund të bënte disa hapa. Ai është një djalë kaq i fortë dhe i vendosur dhe ne jemi shumë krenarë.Ne do të donim të falënderonim të gjithë ata që kanë qenë aq bujarë në mbështetjen e mbledhjes së fondeve të Tony-t dhe nuk mund të ishim më të lumtur që paratë po shkojnë në një vend kaq të veçantë për familjen tonë.

Burimi:Daily Mail|Përktheu dhe Përshtati: JOQ Albania