“Do bëhemi me kancer!”/ Banorët protestojnë për ndotjen e ajrit: S’jemi gjermanë, as serbë! Do vazhdojmë deri në vdekje

Ditët e fundit, protestat e banorëve që protestojnë kundër ndotjes së mjedisit janë shtuar së tepërmi. Kjo vjen pas një keqmenaxhimi nga ana e qeverisë mbi pastërtinë e mjedisit, por edhe në favorizimin e oligarkëve që shfrytëzojnë gjithçka për të futur para në xhep.

Ditën e sotme, banorët e Gështenjasit në Pogradec kanë dalë në protestë për ndërtimin e një landfilli duke u shprehur se i ndotet ajri dhe uji nga plehrat e shumta.

Ndër të tjera ata shprehen se kjo i ka dëmtuar rëndë kulturën e gështenjave me të cilën ata sigurojnë të ardhura.

Banorët tremben se mund të marrin ndonjë sëmundje, ndërsa ankohen për praninë e forcave të policisë duke thënë se nuk janë as gjermanë e as serbë. Për Faxnews ata shprehen se do të vazhdojnë deri në vdekje me protestat.

Banorët thonë:

Gështenjët na i prenë, ikën ato. Tani sjellin plehrat këtu. E ka shitur ai zotëria, ka marrë 500 milionë dhe i ndërron makinat. Do vdesim të tërë, do bëhemi me kancer. Unë aty do vij të punoj me gështenjat. Këta i paguan shteti e janë të detyruar. Nuk jemi as gjermanë, as italianë, as serbë që ka sjellë të gjithë pòlicinë këtu. Nuk jemi kundër familjeve tona se ata janë të gjithë djemtë e mi dhe të këtij këtu.