“Situata është jashtë kontrollit! Në Shqipëri po manipulohet numri i viktimave dhe infektimeve nga Covid-19”

Ish-kryeministri Sali Berisha ka ngritur akuza të rënda ndaj qeverisë, në lidhje me situatën pandemike në vend.

Në një intervistë me Skype në emisionin "Tempora", Berisha deklaroi se qeveria po manipulon numrin e vdekjeve dhe infektimeve të Covid-19.

Ish-lideri historik i demokratëve theksoi se situata është jashtë kontrollit, ndërsa shtoi se këto manipulime janë më të rënda se sa ato që media aludon për Serbinë.

Ai tha:

Kam dëgjuar media që ka manipulime të të vdekurve në Serbi, por siguroj publikun se në Shqipëri janë më të mëdha këto manipulime. Sado që u manipuluan shifrat kanë qenë shumë më të larta, si në vdekje, si në infektimeve, duke kufizuar testet. A i keni dëgjuar komunikatat e tyre thonë që ishte me Covid dhe vdiqën nga një sëmundje tjetër. Por nëse nuk i shtyn Covidi ata mund të jetojnë me vite. Tani nuk çel gojën ai që thoshte se do na grijë si mish qeni dhe do të kishte 18 mijë të vdekur. Sot situata është jashtë kontrollit.

Sipas shifrave zyrtare, në Shqipëri janë konfirmuar 2535 raste dhe janë regjistruar 63 viktima si pasojë e Covid-19.