Sondazhi/ 81% e shqiptarëve nuk i besojnë shifrat e qeverisë për Covid-19 në vend

Shkruar nga: V Gashi | Publikuar më: 17.06.2020, 00:34

Sipas të dhënave zyrtare, numri i rasteve me koronavirus në vendin tonë është rritur në mënyrë drastike gjatë ditëve të fundit, duke gjeneruar shifra të cilat nuk i kishim gjatë izolimit.

Ministria e Shëndetësisë konfirmoi sot 82 raste, e cila përbën shifrën më të lartë infektimeve ditore që prej shpërthimit të epidemisë në vendin tonë.

Prej disa ditësh, rastet e reja të Covid-19 po pësojnë rritje, ndërkohë që këto shifra duket se kanë krijuar edhe pikëpyetje të mëdha te qytetarët.

Në redaksinë tonë kanë mbërritur mesazhe të panumërta, ku qytetarët janë shprehur mosbesues dhe skeptik ndaj shifrave që publikon qeveria mbi të dhënat e koronavirusit.

Nga ana tjetër, kryeministri Edi Rama në një dalje publike paralajmëroi se nëse ky trend rritës do të vijojë, mund të kthehet sërish karantina.

Po ashtu, Rama kërcënoi me burg të gjithë ata që organizojnë protesta gjatë këtyre ditëve, duke qenë se ditët në vijim janë planifikuar të zhvillohen edhe disa tubime, siç është edhe protesta e thirrur nga avokati Altin Goxhaj më 25 qershor para Parlamentit.

JOQ Albania zhvilloi një ditë më parë një sondazh për të krijuar një perceptim më të qartë të mendimit të qytetarëve rreth shifrave të publikuara nga qeveria.

Pyetja e sondazhit ishte:

A i besoni shifrave të qeverisë për COVID-19 në vend?

Nga mbi 40,800 qytetarë që morën pjesë në sondazh, 81% e tyre nuk u besojnë shifrave të qeverisë për Covid-19 në vend, ndërsa vetëm 19% e qytetarëve mendojnë se të dhënat e publikuara nga autoritetet janë të sakta e të besueshme.

Kjo shifër e lartë e qytetarëve skeptikë, tregon që populli nuk ka më besim te informacionet e servirura nga qeveria, e cila jo në pak raste e ka dëshmuar se është e aftë të përdorë çfarë do lloj situate në interesin e saj.

PERSONAZHI I VITIT 2021
KLIKO PËR TË VOTUAR
  • Elvis Naçi
    Drejtuesi i Fondacionit "Firdeus", i njohur si mirëbërësi i shqiptarëve të varfër me punën e tij të palodhshme. Banesat që po ndërtohen për të prekurit nga tërmeti, nga fondacioni i tij janë drejt fundit.
    Arjan Sala
    Heroi i Heshtur! Security i një qendre tregtare, i cili dha jetën mes flakëve për të shpëtuar punonjësit që ishin bllokuar nga zjarri në magazinë.
    Edi Rama
    Kryeministri unik, që shpiku skemën e patronazhistëve duke përgjuar shqiptarët dhe pavarësisht kësaj ata i dhanë edhe mandatin e tretë.
    Lulzim Basha
    Kreu i PD-së, rekordmen për qëndrimin në opozitë dhe guximtar për ‘vrasjen’ e babit të tij politik, Sali Berisha.
    Sali Berisha
    Ish-kryeministri i Shqipërisë dhe ish-kreu i PD-së, i cili, pavrësisht se u shpall “Non-grata” nga SHBA dhe u përjashtua nga PD, arriti të mblidhte Kuvendin Kombëtar të partisë që themeloi dhe e rithemeloi me një pjesëmarrje masive.
    Marin Mema
    Gazetari, i cili u angazhua në rindërtimin e banesave të rrënuara nga tërmeti dhe arriti të dorëzonte brenda disa muajsh çelsat tek qytetarët.
    Altin Goxhaj
    Avokati i njohur në Shqipëri, i cili ngre gjithnjë zërin publikisht ndaj shkeljes të së drejtave të qytetarëve të thjeshtë nga shteti.
    Klodian Elqeni
    I riu, i cili shkelmoi shoferin e çmendur që hyri me makinë në sheshin Skënderbej duke i rrezikuar jetën qytetarëve. Ai fluturoi mbi dritaren e makinës duke neutralizuar agresorin.
    Armando Broja
    Futbollisti i Kombëtares Shqiptare që po shkëlqen në kampionatin anglez. Performancë fantastike edhe me Kombëtaren shqiptare.
    Distria Krasniqi dhe Nora Gjakova
    Dy xhudistet nga Kosova që fituan medalje të artë në Lojërat Olimpike në Tokyo.
    Albin Kurti
    Kryeministri i Republikës së Kosovës, i cili fitoi zgjedhjet sërish dhe arriti të krijojë qeverinë e re në Kosovë.
    Lylzim Sulejmani
    Shqiptari nga Presheva, i cili arriti të shpëtonte 7 shqiptarë të Maqedonisë së Veriut nga autobusi, që shpërtheu në flakë në Bullgari.
Më të Lexuarat
Shkarkoni aplikacionin JOQ ALBANIA në platformat
Më të fundit