Një i ri nga Tirana ka nevojë urgjente për ndihmën e shqiptarëve. Bëhet fjalë për 29-vjeçarin, Mirush Baholli, i cili duhet të bëjë një ndërhyrje kirurgjikale në tru jashtë vendit sa më shpejt të jetë e mundur. Nëse ndërhyrja nuk bëhet menjëherë, ai rrezikon të humbasë jetën.
I riu punonte më parë si roje sigurie te Kryegjyshata Botërore në Tiranë, por prej dy vitesh ai nuk mund të flasë e as nuk mund të lëvizë normalisht.
Në 15 nëntor të vitit 2018 ai pëson një tjetër krizë epilepsie, e cila ishte e dyta për të pasi të parën e kishte kaluar vetëm një herë në moshën 4-vjeçare. Nëna e tij ka rrëfyer mes lotësh se ai ka qëndruar 21 ditë në gjendje kome, duke mos bërë asnjë reagim.
Apeli i tij është marrë përsipër nga Elvis Naçi, i cili u ka bërë thirrje urgjente shqiptarëve që të ndihmojnë djalin në lule të jetës e të bëjnë të mundur ndërhyrjen e specializuar, e cila kushton 30 mijë euro.
Shifra që duhet për t’i shpëtuar jetën Mirushit është 30 mijë euro. Nëna e tij ka rrëfyer historinë e trishtë sot ekskluzivisht për JOQ.