Plot 1 miliard lekë nga taksat e qytetarëve të Tiranës u harxhuan për "rehabilitimin" e Parkut Rinia.
Bashkia e Tiranës hapi tenderin me objekt “Rehabilitimin e parkut Rinia”, ku fituese u shpall kompania AgiKons, në pronësi të Gentian Sulës, i njohur për "vëllazërinë" me kryebashkiakun Veliaj, si dhe për shkatërrimin e Kodrës së Diellit.
Mirëpo, vetëm 6 ditë nga inagurimi i projektit të ri nga Veliaj, natyra vetë i nxori "të palarat" këtij investimi me një vlerë marramendëse, duke e zhveshur terësisht nga "fasada propaganduese" e Rilindjes.
Dje doli në pah dhe u pa nga të gjithë qytetarët e Tiranës dhe të gjithë Shqipërisë se si "Rilindja" shpenzoi 1 miliard lekë për një "moçalishte" në mënyrën më abuzive të mundshme.
Mjaftuan vetëm pak minuta shi që i gjithë investimi i "Rilindjes" të shkrihej si "akullore" dhe "kaushi" i mbeti në dorë Erion Veliajt, i cili nuk bëri asnjë reagim të vetëm publik në lidhje me atë që ndodhi në parkun e aq shumëpropaganduar prej tij.
I gjithë rrjeti filloi të tallej me "moçalishten" e "Rilindjes" m'u në qendër të Tiranës, mirëpo problemi qëndron që gjithë ato para që u shpenzuan ishin nga taksat e kryeqytetasve.
Ndërkohë, në lidhje me këtë mega-skandal, JOQ Albania zhvilloi një sondazh për të krijuar një panoramë më të qartë të mendimit të qytetarëve, në lidhje me fajtorin e vërtetë të abuzimit me investimin në fjalë.
Pyetja e sondazhit ishte: A duhet të burgoset Erion Veliaj për abuzim me tenderat?
Qytetarët e dhanë verdiktin e tyre, ku 86% e tyre kërkuan burgosjen e Veliajt për abuzim me tenderat, ndërsa vetëm 14% e tyre (ushtria virtuale e Fugës me 5 profile secili person) janë shprehur kundër.