Një ngjarje e rëndë tronditi Krujën dy ditë më parë, ku dy vëllezër u vranë me breshëri kallashnikovi në derën e shtëpisë.
Hetimet zbuluan se dy vëllezërit Gramoz dhe Xhentil Bardhi, përkatësisht 34 dhe 24 vjeç, u qëlluan për vdekje me armë zjarri nga 32-vjeçari, Roland Pula, po nga Kruja.
Viktimat dhe autori ishin përplasur disa herë ndër vite me njëri-tjetrin, ndërsa të enjten mbrëma përfundoi në mënyrë tragjike.
Familjarë, të afërm dhe miq përcollën mes lotëve dhe dhimbjes këtë të shtunë në banesën e fundit dy vëllezërit. Një meshë në kishë i parapriu përcjelljes për në banesën e fundit të dy vëllezërve.
Në redaksinë e JOQ Albania ka mbërritur një dëshmi në lidhje me atentatin e dyfishtë, ku një banor i zonës tregon se konfliktin me autorin e ka pasur vëllai i madh i viktimave.
Sipas tij, Xhentili dhe Gramozi janë vrarë për shkak të konfliktit disa vjeçar që vëllai i viktimave kishte me 32-vjeçarin Pula disa vite më parë. Dy vëllezërit që u vranë i dolën në krah vëllait të tyer më të madh. Banori i zonës thotë se autori mund të ketë dashur që ta godasë në pikën e dobët persnin me të cilin kishte konflikt, duke i vrarë dy vëllezërit e tij më të vegjël.
Ai thotë se Xhentili ka qenë prift dhe një person shumë pozitiv, që nuk i kishte bërë keq njeriu, ndërsa viktima tjetër, Gramozi, ka lënë pas dy fëmijë jetimë.
Mesazhi i plotë: