Ndeshja e tretë mes Furyt dhe Wilder do zhvillohet këtë vit, në Australi ose Kinë

Nuk ka dyshume, Tyson Fury dhe Deontay Wilder do të kompletojnë trilogjinë e tyre këtë vit dhe kjo tashmë është e sigurt. Britaniku dhe amerikani janë gati që të dhurojnë edhe pjesën e tretë të spektaklit mes tyre, në kontestin për titullin e WBC.

Është pikërisht Tyson Fury, ai që aktualisht mban këtë titull, por duhet ta mbrojë edhe një herë kundër Wilderit.

Sipas raportimeve nga mediet britanike, Fury dhe Wilder do të kompletojnë trilogjinë këtë vit, pavarësisht pandemisë së koronavirusit. Dy janë vendet e mundshme që po përmenden për duelin: Kina dhe Australia. Këtë e ka konfirmuar edhe promotori i Furyt, Bob Arum.

Ai është shprehur:

Ne po shohim për vende të tjera. Në vende ku ka pasur më pak koronavirus. Ku nuk konsiderohet problem. Po eksplorojmë mundësinë për Macaw, Kinë, por gjithashtu një arenë të madhe në Australi, ku duket se kanë koronavirusin nën kontroll."