JOQ Albania
Home

E vranë me breshëri kallashnikovi para banesës, të tjera detaje nga krimi i rëndë
Shkruar nga: L Çela | Publikuar më: 25/05/2020 10:14

  • Share
  • Share
  • Share
  • Share

Vijojnë hetimet lidhur me ngjarjen e rëndë të ditës së djeshme në Vlorë ku për pasojë ndërroi jetë një 26-vjeçar.

Kristian Breshanaj u vra dje para banesës me një breshëri automatiku nga persona ende të paidentifikuar dhe dyshohet se bëhet fjalë për një atentat lidhur me pazaret e drogës.

Lidhur me atentatin e ndodhur dje duket se ende nuk ka informacion në lidhje me autorët e krimit.

26-vjeçari u ekzekuatua me breshëri automatiku dhe trupi I tij u depërtua nga 5 plumba të cilët i shkaktuan vdekjen e menjëhershme.

Burime për Abc News bëjnë me dije se pista kryesore e hetimeve mbetet aktiviteti i Breshanaj në Belgjikë pasi është konfirmuar se 26-vjeçari ka patur konflikte të mëparshme edhe në qytetin e Vlorës, si dhe nuk përjashtohet një prishje e pazareve të drogës.

Sipas policisë është bërë me dije se nga provat e mbledhura nga vendi i ngjarjes dyshohet se kanë qenë dy persona në momentin që është djegur automjeti dhe më pas janë larguar me një tjetër automjet të ndihmuar nga persona të tjerë.

Policia mendon se bëhet fjalë për një atentat të mirorganizuar dhe ka sekuestruar të gjithë kamerat e sigurisë së zonës përreth për të zbuluar më shumë në lidhje me këtë ngjarje.