Operacionet në minierën më të thellë të arit në botë, në Afrikën e Jugut, janë ndalur pasi atje u zbuluan 164 raste me koronavirusi.
Miniera Mponeng, si të gjithë të tjerët në vend, rifilloi operacionet muajin e kaluar pasi u mbyll në mars si pjesë e një izolimi kombëtar. Ecuria e punimeve po vijonte, por disa punëtorë kanë ngritur shqetësimin se mund të infektoheshin, kështu që miniera e arit u mbyll.
Kompania tha se 650 punëtorë ishin testuar pasi një rast i parë u zbulua javën e kaluar. Afrika e Jugut ka shumicën e rasteve të të prekurve në Afrikë . Ajo ka regjistruar 407 vdekje, më pak se Egjipti dhe Algjeria.
Sa e thellë është miniera?
Miniera e Mponeng, rreth 75 km e thellë ndodhet në jug-perëndim të Johanesburg. Një program i quajtur “ndjekja elektronike” përdoret në rast se minatorët humbasin dhe ky sistem ishte i dobishëm në gjetjen e shpejtë të kontakteve parësore, të atyre që rezultuan pozitivë.
Operacionet në minierë janë ndalur përkohësisht për të përfunduar gjurmimin e kontaktit dhe dezifiktimin e vendit të punës. Minierat e Afrikës së Jugut, ku njerëzit shpesh punojnë në afërsi të thellë nën tokë, shpesh kanë qenë epiqendra për sëmundje të tjera ngjitëse si tuberkulozi dhe HIV.
Pavarësisht viteve të rënies relative, Afrika e Jugut mbetet një nga prodhuesit më të mëdhenj të arit në botë dhe sektori është një pjesë thelbësore e ekonomisë kombëtare.
Burimi: BBC|Përktheu dhe Përshtati: JOQ-Albania