Lajme të mira vijnë nga Kosova, ku në 24 orët e fundit nuk është konfirmuar asnjë rast i ri me koronavirus.
IKSHPK njoftoi se sot janë testuar 138 mostra, ku asnjë prej të cilave nuk rezultoi pozitive.
Numri i përgjithshëm i rasteve të koronavirusit në Kosovë mbetet në 1032, ndërsa 29 qytetarë fatkeqësisht e kanë humbur betejën ndaj Covid-19.
Po ashtu, IKSHPK raporton se në 24 orët e fundit janë shëruar edhe 4 të prekur nga koronavirusi, duke e çuar në 789 numrin total të të shëruarve.
Njoftimi i plotë:
SOT ASNJË RAST I RI POZITIV ME COVID-19! Sot më 24 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 138 mostra të marra nga Klinika Infektive dhe gjurmimi i kontakteve të rasteve në terren.
Me SARS-CoV-2 nuk është konfirmuar asnjë rast pozitiv. Sot janë shëruar 4 persona dhe deri më sot numri i përgjithshëm i të shëruarve është 789 raste. Nga data 08 shkurt deri më 24 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 13.262 persona të dyshimtë në virùsin SARS-CoV-2 dhe prej tyre pozitive rezultojnë gjithsej 1.032 raste, me gjithsej 29 raste të vdèkjes të cilët kanë pasur sëmùndje të tjera shoqëruese.
Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke i obliguar për vetëizolim dhe të kërkojnë ndihmë mjekësore nëse kanë simptome. Në nivel global, nga data 31 dhjetor 2019 deri më 24 maj 2020 sipas Ëorldometers, janë raportuar gjithsej 5.453.185 raste të COVID-19 dhe 345.077 raste të vdekjes.
QYTETARË TË NDERUAR! JU LUTEMI TË RESPEKTONI MASAT E SHPALLURA TË PARANDALIMIT NGA INSTITUTI KOMBËTAR DHE MINISTRIA E SHËNDETËSISË! RUAJENI SHËNDETIN TUAJ!
PAKUJDESIA KUSHTON ME JETË! AKOMA NUK KA KALUAR RREZIKU, ANDAJ. QËNDRONI NË SHTËPI, KJO UA SHPËTON JETËN! MBANI DISTANCË FIZIKE PËR SË PAKU 2 METRA! NA NDIHMONI PAK QË TË JU NDIHMOJMË SHUMË! Ju faleminderit për mirëkuptim!
