JOQ Albania
Home

Mbyllja e restoranteve, SHBA “pushtohet” nga minjtë
Shkruar nga: N Hoxha | Publikuar më: 24/05/2020 20:18

  • Share
  • Share
  • Share
  • Share

Me restorante të hapura, të mbyllura, apo të kufizuara për shkak të pandemisë, duket se institucionet në SHBA duhet të luftojnë edhe për brejtësit.

Qendrat për Kontrollin dhe Parandalimin e Sëmundjeve (CDC) po paralajmërojnë se në zona të caktuara në të gjithë vendin po raportojnë "një rritje të aktivitetit të brejtësve", pasi minjtë po kërkojnë ushqim më shumë përveç mbetjeve të restoranteve.

CDC tha:

Autoritetet kanë shërbim të mbyllur ose të kufizuar në restorante dhe institucione të tjera tregtare për të ndihmuar në kufizimin e përhapjes së COVID-19. Mbylljet në mbarë komunitetin kanë çuar në një ulje të ushqimit në dispozicion të brejtësve, veçanërisht në zona të dendura tregtare. Si rezultat, minjtë po vërshojnë edhe në vende që nuk kanë qenë më parë, përfshirë zonat e banuara.

Për të shmangur brejtësit dhe për të parandaluar ekspozimin ndaj sëmundjeve që ata mund të mbajnë, CDC thotë se njerëzit duhet të sigurohen që, mbeturinat të hidhen në koshat e mbuluar dhe ushqimi i kafshëve shtëpiake dhe shpendëve të hiqet nga oborret.

Burimi: CNN|Përktheu dhe Përshtati: JOQ -Albania