JOQ Albania
Home

Ismet Drishti xhiro me gomar në Tiranë, tek Liqeni përplaset me policinë: Ku ta di që s’jeni kriminelë?!
Shkruar nga: L Çela | Publikuar më: 24/05/2020 14:16

  • Share
  • Share
  • Share
  • Share

Ismet Drishti është një prej personazheve më të njohur në vend për kamerat e fshehta që ka realizuar vazhdimisht me personazhe të njohur.

Ai ka realizuar sot një kamera të fshehtë ku duket teksa lëviz me gomar në rrugët e Tiranës dhe tenton që të futet në parkun e liqenit në kryeqytet ndërsa është ndaluar nga disa punonjës policie që përpiqen ta bindin të largohet edhe pse nuk janë të pajisur me emra në veshjet e tyre apo me numra identifikimi.

Drishti në video shfaqet këmbëngulës në përballjen me punonjësit e policisë pasi ata nuk mund të identifikoheshin si punonjës policie dhe sipas tij mund të ishin edhe kriminelë.

Pjesë nga biseda:

Drishti: Po deri tek shiriti

Polici 1: Nuk lejohet

Drishti: Po pse nuk e ke vënë shiritin këtu

Polici 1: Po jam unë këtu

Drishti: Dmth ti je në vend të shiritit

Polici 1: Po normale

Drishti: Dmth ti bën punën e shiritit. Pse nuk lejohet?

Polici 1: Me urdhër nga lart

Drishti: Ku është ky urdhri?

Polici 1: Jam unë punonjës policie Kthehu ose do marrësh masë?

Drishti: Cfarë mase do marrësh?

Polici 1: Zotëri mund të merrni informacion në organet përkatëse.

Drishti: Po uniforma e policisë ka emër dhe numër. Kush jeni ju?

Policja 2: Më vjen keq

Drishti: Unë nuk të njoh zonjushë, më nxirr emrin dhe numrin

Policja 2: Keni të drejtë

Drishti: Zonjushë kur kam të drejtë, përse më pengon?

Polici 1: Zotëri do të të shoqëroj

Drishti: Kush je ti të më shoqërosh? Mos më prek me dorë zotëri.

Polici 3: Ku do shkoni me këtë?

Drishti: Xhiro nëpër Tiranë, e kam kafshë shoqërimi. Dikush ka qenin, peshkun, majmunin, unë kam këtë

Polici 3: E kam kohën e kufizuar

Drishti: Këta kë përfaqësojnë?

Polici 3: Janë kolegët e mi. jam në shërbim, nuk lejohet asnjë këmbësor dhe asnjë person me kafshë shtëpiake apo shoqëruese

Drishti: Të lutem, ku të marr vesh që është polic. Nuk ka emër as numër. Këtë uniformë e blej në dyqan. Ku ta di që nuk janë kriminela?

Polici 3: Ky është problemi i tyre, jo i juaji

Drishti: Mirë mirupafshim zotëria juaj!