Pak më herët njoftuam se në Vlorë orët e para të mëngjesit të sotëm u vra me breshëri armësh një 25-vjeçar. Sipas njoftimit zyrtar të policisë shtetasi Kristiano Breshani u gjet i vrarë me zjarri në lagjen “Uji i Ftohtë” pranë zonës së quajtur “7 pallatet”, në rrethana ende të paqarta.
Burime nga Fax News bëjnë me dije informacione të tjera rreth krimit të rëndë. Ngjarja ka ndodhur në orën 12.30 të natës dhe mësohet se autorët e kanë pritur para hyrjes së banesës 25-vjeçarin Kristian Breshani.
Sipas burimeve, dyshohet që kanë qenë 2 autorë me makinen tip “BMW” me targa greke. Ndërsa autorët kanë qëlluar me breshëri drejt të riut që ka humbur jetën prej 5 plumbave që i depërtuan trupin.
Më pas autorët janë larguar dhe kanë djegur makinën në lagjen, “10 korriku” duke lënë brenda saj edhe armën e krimit tip kallashnikov.
25-vjeçari ka ndërruar jetë në vend prej plagëve të mara ndërsa bëhet me dije se ai kishte vetëm 3 muaj që ishte kthyer nga Belgjika, informacion mbi të cilin po ngrihet edhe pista e hetimit.