Mbrëmjen e djeshme, Edi Rama njoftoi në Facebookun e tij se fundjava do jetë e njëjtë si fundjavat e tjera, pra shumica e bizneseve do të jenë të mbyllura dhe lëvizja e njerëzve, sipas kategorive. Hapur, ditën e shtunë, do të jenë vetëm farmacitë dhe ushqimoret, ndërsa të dielën gjithçka e mbyllur.
Ndërkohë në zonat e gjelbëra, hapur do të jenë edhe lokalet, por deri në orën 17:30 dhe jo në 21:00.
Pikërisht këtij urdhëri i është bindur pronari i një biznesi nga Berati, por që është shokuar kur ka parë që shumë të tjerë, mu në mes të qytetit nuk pyesinin për masat.
Ai ka shkruar në redaksinë e JOQ ALBANIA dhe tregon se ndaj tij është bërë padrejtësi, duke e gjobitur dhe shoqëruar në komisariat, pasi rihapi lokalin , kur pa gjithë të tjerët hapur.
Ai denoncon drejtorin e policisë Berat, Hasan Ahmetajn, i cili kërkon rryshfete mujore nga bizneset dhe nëse nuk i paguan të shoqërojnë në polici.
Lidhur me ngajrjen, ku të gjitha lokalet janë hapur dhe ai është gjobitur, pronari ka dërguar edhe prova. Shihet qartë nga pamjet sesi baret në pedonalen e qytetit gumëzhijnë nga zhurma e qytetarëve.
Denoncimi i plotë i qytetarit:
Doja të ndaja një ngjarje me ju pasi nga shteti i kemi prerë shpresat. sot rreth orës 7:50 në qytetin e beratit (zonë e gjelbër) për shkak të urdhërit të ramës lokalet duhet të punonin deri në orën 5:30 (pasdite) dhe unë që po shkruaj jam një pronar i një bar-kafe dhe iu binda urdhërit dhe e mbyllëm lokalin, rrugës dukë shkuar në shtëpi pashë që të gjitha lokalet e tjera ishiin hapur dhe unë isha i vetmi që e kisha mbyllur dhe duke parë këtë gjë unë e hapa lokalin, në orën 7:55 erdhi fugoni i policisë dhe kërkoi që të vinin gjobë. pa një shkresë pa një dokument ose urdhër në trajtë letre do vinin gjobë, duke i kërkuar letrat që përse duhet ta mbyll ndërkoh që të tjerët janë hapur më shoqëruan dhe në polici. kjo është një prishje imazhi një dëm shum i madh për lokalin tim duke qenë më e frekuentuara dhe biznes i sapo hapur, ju shkruaj i pashpresë nga drejtësia e vendit tim. unë jam një taks-pagues i rregullt. vetëm sepse hasani ahmetaj do rryshfet do kuot mujore nga bizneset në berat nëse nuk i bindesh të shoqërojnë me 5-7 polica brenda lokalit në mës të njerëzve. ky është fundi për bizneset e vogla sidomos në qytetin e beratit, shprësojmë që këtë lajm ta shikoj edhe rama t’i shikojë faktet, të vendosi drejtësi.
