JOQ Albania
Home

Ç’po ndodh në Kosovë? Rritet frikshëm numri i rasteve të reja të koronavirusit në 24 orët e fundit
Shkruar nga: V Gashi | Publikuar më: 22/05/2020 22:33

  • Share
  • Share
  • Share
  • Share

Ditën e djeshme, Kosova raportoi vetëm një rast të Covid-19, dhe u mendua se betejës me koronavirusin po i vinte fundi.

Mirëpo, ditën e sotme rastet janë rritur në mënyrë të frikshme.

IKSHPK njoftoi sot në mbrëmje se janë regjistruar edhe 21 raste të reja, duke e çuar në 1025 numrin total të personave të infektuar me Covid-19, përfshi këtu të shëruarit dhe viktimat.

Në 24 orët e fundit janë kryer 267 testime, prej të cilave 21 kanë rezultuar pozitive ndaj Covid-19, ku shumica e të infektuarve kanë qenë në Prizren.

Gjithashtu, IKSHPK bën me dije se janë shëruar edhe 10 pacientë të tjerë të prekur nga koronavirusi, duke e çuar në 782 numrin e përgjithshëm të të shëruarve.

Njoftimi i IKSHPK:

NJËZET E NJË RASTE ME COVID-19 DHE DHJETË TË SHËRUAR!

Sot më 22 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 267 mostra të marra nga Klinika Infektive dhe gjurmimi i kontakteve të rasteve në terren.

Me SARS-CoV-2, janë konfirmuar 21 raste.

Rastet pozitive janë raste kontakti nga: komuna e Prizrenit 19 raste (sipas vendbanimit:15 raste Prizren, 1 rast Romajë, 1 rast Lubiçevë, 1 rast Kijevë dhe 1 rast Nashec) dhe nga komuna e Suharekës 2 raste (sipas vendbanimit:1 rast Bllacë dhe 1 rast Suharekë).

Sot më 22 maj 2020, janë shëruar 10 pacientë derisa numri i përgjithshëm i të shëruarve deri më sot është gjithsej 782 raste.

Nga data 08 shkurt deri më 22 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 12.818 persona të dyshimtë në virusin SARS-CoV-2 dhe prej tyre pozitive rezultojnë gjithsej 1.025 raste, me gjithsej 29 raste të vdekjes të cilët kanë pasur sëmundje të tjera shoqëruese.

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke i obliguar për vetëizolim dhe të kërkojnë ndihmë mjekësore nëse kanë simptome.

Në nivel global, nga data 31 dhjetor 2019 deri më 22 maj 2020 sipas Worldometers, janë raportuar gjithsej 5.263.085 raste të COVID-19 dhe 337.813 raste të vdekjes.

QYTETARË TË NDERUAR!

JU LUTEMI TË RESPEKTONI MASAT E SHPALLURA TË PARANDALIMIT NGA INSTITUTI KOMBËTAR DHE MINISTRIA E SHËNDETËSISË! RUAJENI SHËNDETIN TUAJ! PAKUJDESIA KUSHTON ME JETË!

AKOMA NUK KA KALUAR RREZIKU, ANDAJ

QËNDRONI NË SHTËPI, KJO UA SHPËTON JETËN! MBANI DISTANCË FIZIKE PËR SË PAKU 2 METRA! NA NDIHMONI PAK QË TË JU NDIHMOJMË SHUMË!

Ju faleminderit për mirëkuptim!