JOQ Albania
Home

“Ke uzurpuar gjithçka në këtë vend”, analisti ia plas në sy Ramës: Do kesh fundin e një diktatori!
Shkruar nga: V Gashi | Publikuar më: 21/05/2020 22:17

  • Share
  • Share
  • Share
  • Share

Analisti Agron Gjekmarkaj është përplasur ashpër me kryeministrin Edi Rama mbrëmjen e sotme në emisionin "Real Story".

Gjekmarkaj ja përplasi në sy Ramës, teksa i tha se ai ka uzurpuar çdo virmë e vulë në këtë vend.

Analisti paralajmëroi Ramën se e pret fundi i një diktaktori, ndërsa ky i fundit vijoi të mohojë dhunën e ushtruar nga policia në protestën kundër shembjes së Teatrit Kombëtar.

Debati i plotë:

Alfred Lela: Pse duhet të sillesh si i kreshterë kur ju jeni xhahili? Thua duhet ta kishin godit edhe me shkop gome.. ku i gjeni këto standarde, do të tregohem etik të të them më godit prapë?

Edi Rama: Doni apo nuk doni ju, unë jam kryeministri i Shqipërisë. Ju e kujtoni popullin shqiptar budalla, ju mendoni se shqiptarët i hanë brockullat me atë video, ju jeni viktima imagjinare të një regjimi imagjinar.

Agron Gjekmarkaj: Lela ka bërë heroizëm shtetëror, ju qenkeni drejtuesi i asaj dhune

Edi Rama: Policia e shtetit nuk është leckë që ta tërhiqni ju kur të doni dhe si të doni. Që goditja e godinës së teatrit ju ka goditur edhe juve unë e kuptoj, që s’më lini të flas tregon që jeni rëndë, nga dështimi i turpshëm i gjithë atij skenari skandaloz.

Agron Gjekmarkaj: Do keni një fund diktatori keni uzurpuar cdo vulë e firmë në këtë vend.

Rama: Padre mund të flas unë? Sapo e përmende Jezu Krishtin…

Agron Gjekmarkaj: T’i qitët sytë ishalla. Keni dhunuar ndërgjegjen e një kombi të tërë!

Edi Rama: Më lër ta mbaroj padre, po i the të gjitha do i thuash sërish se të njejtën gjë thua…