Bundesliga është kampionati i parë Europian që ka rifilluar pas ndërprerjes 2-mujore nga koronavirusi. Ditën e djeshme Bayerni i Mynihut luajti në transfertë ndaj Union Berlin dhe fitoi me rezultatin 0-2.
Natyrisht, ndeshja u luajt në stadium të boshatisur dhe pa tifozë. Megjithatë, një fans u mundua që të thyente rregullin dhe të shihte ndeshjen live edhe pse jo brenda stadiumit.
Në njërin cep të impiantit në Berlin, ku u luajt sot ndeshja, ka një grumbull me pemë të larta dhe tifozi në fjalë u ngjit në një prej tyre duke u fshehur mes gjetheve derisa filloi ndeshja.
Ai nuk iu gëzua për një kohë të gjatë “tribunës” së tij, pasi u pikas mes degëve dhe policia e detyroi të zbriste poshtë. Tifozi u shoqërua në komisariatin e policisë dhe u përalajmërua, duke u lënë më pas i lirë.
Policia gjermane ndalon edhe praninë e tifozëve rrotull impianteve sportive dhe kjo ishte asryeja pse rreth stadiumit ishin të pozicionuar rreth 400 policë, për të evituar që fansat të mblidheshin e të tentonin qoftë edhe të mbështetnin me koret e tyre skuadrat pranë impiantit.
