Kryetari i Bashkisë Tiranë, nëpërmjet Agjensisë së Parqeve dhe Rekreacionit në varësi direkte të bashkisë, i ka dhënë plot 50 milionë lekë të vjetra kompanisë së Agim Kajmakut, ish kryetar i bashkisë Vorë, i cili rezulton të jetë në kërkim prej muajsh nga policia.
Tenderi në fjalë, i ndarë në disa lote, ka të bëjë me blerje plehu organik, humus, fara bari dhe pesticide. Data e lidhjes së kontratës është vetëm dy ditë më parë, në 14.05.2020. Firma fituese është shpallur A.M.E.2020 në pronësi të Merita Kamajkut, bashkëshortes së Agim Kajmakut.
Nëse emri i kësaj kompanie nuk ju thotë asgjë, ndoshta emri KAJMAKU SH.P.K. do t’ju kujtohet. E pra, bëhet fjalë po për të njëjtën kompani. Vetëm se në janar të këtij viti, firma ka ndryshuar emër duke u bërë A.M.E.2020. Kjo kompani në vitet e fundit ka fituar mbi 1,7 milionë euro tendera.
Agim Kajmaku u shkarkua fillimisht nga detyra për mos deklarim të dënimit duke shkelur ligjin për dekriminalizimin. Më pas u zbulua se ai kishte falsifikuar dokumentet duke ushtruar detyrën e kryebashkiakut të Vorës dhe pas shkarkimit. Pork jo nuk e ka penguar atë aspak që të marrë tender me miliona lekë nga Erion Veliaj. Bravo lali!