Neymar flitet gjithë e më shpesh për një largim nga PSG dhe mediat spanjolle raportojnë se ai ka dëshirë të rikthehet te Barcelona.
Lojtari brazilian ka kaluar në ‘Camp Nou’ vitet më të mira të karrierës së tij, duke fituar La Ligan, Kupën e Mbretit dhe Ligën e Kampionëve.
Por, për të ardhmen e Neymar, tani ka edhe një horizont të ri, me Juventusin që ka vendosur të futet në garë fuqishëm për shërbimet e tij.
Në Itali raportohet se Juventusi ka filluar të punojë për të firmosur me Neymar, që së bashku me Cristiano Ronaldon të krijonin një dyshe të frikshme, si në Itali ashtu edhe në Evropë.
Sipas informacioneve, Juventusi në këtë marrëveshje është i gatshëm të përfshijë edhe argjentinasin Paulo Dybala.
Problemi i vetëm që do të paraqitej te Juventus, do të ishte paga e Neymar, me italianët që nuk do të jenë në gjendje t’i ofrojnë aq sa ai fiton momentalisht te PSG.
Neymar aktualisht mbetet lojtari më i shtrenjtë në botë, kur PSG në vitin 2017 pagoi 222 milionë euro për transferimin e tij nga Barcelona.