JOQ Albania
Home

Ibrahimovic rikthehet në Itali/ Nuk pyet për izolim dhe zbarkon menjëherë në Milanelo
Shkruar nga: K Demiraj | Publikuar më: 12/05/2020 13:53

  • Share
  • Share
  • Share
  • Share

Sulmuesi suedez, Zlatan Ibrahimovic zbarkoi në Milano mbrëmjen e djeshme duke i dhënë fund aludimeve për një mos rikthim të tij në Itali.

38-vjeçari, jo vetëm që u rikthye, por si një profesionist i jashtëzakonshëm ka vendosur që karantinën e detyruar prej 14 ditësh ta kalojë në Milanelo, në qendrën stërvitore të klubit kuqezi.

Në këtë mënyrë Ibra mund të stërvitet rregullisht, sigurisht në mënyrë individuale, përpara se të bashkohet me grupin pas datës 18 maj.

Suedezi kërkon të jetë gati në çdo moment kur do të rifillojë sezoni, kërkon të ruajë formën e mirë pasi edhe në Suedi, ku qëndroi këtë periudhë, është stërvitur rregullisht me ekipin e Hammarby, skuadër ku është dhe pronar.

Sulmuesi u prit nga mjeku i ekipit ndërsa në ditët në vijim do t’i nënshtrohet të gjithë vizitave të duhura mjekësore.