Daniela Daritkova, kryetare e grupit parlamentar të partisë GERB dhe Daniela Maleshkova, deputete nga e njëjta parti kanë rezultuar pozitive me koronavirus.
Testet pozitive u raportuan një ditë pasi të gjithë ligjvënësit bullgarë u udhëzuan të bëjnë testime pasi një deputet rezultoi pozitiv me COVID-19.
Daritkova dhe Maleshkova janë në gjendje të mirë shëndetësore dhe deri më tani nuk shfaqin asnjë simptomë. Ato do të qëndrojnë në karantinë në shtëpi për 28 ditë.
Më parë, pasi Hasan Ademov , deputet nga Lëvizja të Drejta dhe Liri, DPS, rezultoi pozitiv me koronavirus, Asambleja Kombëtare pezulloi përkohësisht punën e saj.
Në Bullgari janë identifikuar 457 raste me koronavirus dhe 10 vdekje. Vendi ka shpallur gjendje të jashtëzakonshme që nga data 13 mars.
Burimi: bnr.bg | Përktheu dhe Përshtati: JOQ ALBANIA