Një lajm tragjik vjen nga SHBA-ja, ku një vogëlushe 8-vjeçare ka ndërruar jetë disa orë pasi kishte bërë testin për koronavirus.
Adisson Pope, vetëm 8-vjeçe, nga Qarku Clay në Teksas, vdiq në Qendrën Mjekësore të Fëmijëve në Fort Worth, mbrëmjen e së mërkurës.
Ajo u dërgua me urgjencë në Spitalin Rajonal pranë shtëpisë së saj, ku mjekët kryen një test Covid-19, pasi ajo filloi të shfaqte simptoma të ngjashme me ato që paraqesin pacientët me koronavirus.
Stafi i spitalit tha se ata e trajtuan vogëlushen 8-vjeçare me të gjitha masat e nevojshme për të minimizuar përhapjen e mëtejshme të infeksionit.
Addison ndërroi jetë pak orë pasi ishte dërguar në spital, duke humbur betejën me sëmundjen e saj, e cila ende nuk është diagnostikuar, pasi nuk ka dalë akoma rezultati i testit.
Mjekët janë ende në pritje të rezultatit, ndërkohë që zëdhënësja e Spitalit Rajonal shprehet se rezultati ka "të ngjarë të jetë negativ".
Një llogari në GoFundMe u krijua në rrjet për të mbledhur para për familjen e Adisson.
Ajo ishte nxënëse në shkollën fillore Henrietta.
Burimi: Metro|Përktheu dhe Përshtati: JOQ Albania
