JOQ Albania
Home

SHBA/ Objektet fetare qëndrojnë të hapura në disa prej vendeve më të prekura nga Covid-19
Shkruar nga: V Gashi | Publikuar më: 03/04/2020 1:29

  • Share
  • Share
  • Share
  • Share

Kishat dhe objektet e tjera fetare do të lejohen të qëndrojnë të hapura në më shumë se gjysmën e shteteve që janë ndër më të prekurat nga koronavirus. Janë plot 11 shtete që nuk kanë vendosur asnjë kufizim përsa i përket objekteve fetare, pavarësisht përhapjes në masë të pandemisë.Nuk është e qartë se sa individë po vazhdojnë të ndjekin shërbimet fetare ose sa objekte janë mbyllur vullnetarisht.

Shtëpia e Bardhë po i nxit amerikanët të shmangin të gjitha tubimet publike të paktën deri në fund të prillit.Por përjashtimet për institucionet fetare ofrojnë disa pengesa në përpjekjet për zbutje të pandemisë, siç është distanca sociale për të cilën zyrtarët e shëndetit publik thanë se do të shpëtojnë ndoshta 2 milion jetë nëse kryhen "në mënyrë të përsosur".

Disa organizata fetare, kanë dalë në mbështetje të pezullimit të tubimeve fetare.Në 15 shtetet më të rrezikuara të identifikuara nga Fondacioni Kaiser Family, një organizatë jofitimprurëse kombëtare që studion çështje shëndetësore, më shumë se katër në 10 banorë të rritur janë 65 vjeç ose më të vjetër. Pikërisht personat e kësaj moshe janë më të predispozuar të ndjekin shërbimet fetare dhe në të njejtën kohë më të rrezikuar nga Covid 19.

Burimi: CNBC|Përktheu dhe Përshtati: JOQ Albania