JOQ Albania
Home

Koronavirusi/ Mjekët dhe infermierët në Filipine punojnë pa asnjë masë mbrojtëse
Shkruar nga: V Gashi | Publikuar më: 02/04/2020 23:34

  • Share
  • Share
  • Share
  • Share

Çdo ditë, infermierja e April Abrias monitoron 30 pacientë, të cilët dyshohet se kanë koronavirus në një provincë rurale në veri të kryeqytetit të Filipineve, Manila.Nëna 29-vjeçare nuk ka një maskë kirurgjikale për të mbuluar fytyrën e saj, dhe në vend të saj, ajo mban një maskë lecke që siguron mbrojtje të pamjaftueshme nga virusi.

Të paktën 17 mjekë kanë vdekur tashmë në Filipine, dhe më shumë se 600 kanë qenë në karantinë. Abrias shprehet e shqetësuar jo vetëm për pacientët por edhe për kushtet që po i ofrohen punonjësve të shëndetësisë.

Në thirrjen e saj, Abrias thotë:

Mjekët dhe punonjësit e tjerë të kujdesit shëndetësor punojnë në kushte të tmerrshme. Ka mungesë të madhe të pajisjeve mbrojtëse personale.Ndryshe nga vendet e tjera, këtu stafi mjekësor nuk po trajtohet aspak sipas kushteve të vendosura nga OBSH. Kështu që përveç frikës së përhapjes së pandemisë, duhet të frikësohemi se kur kjo pandemi të arrijë kulmin, nuk do të ketë më mjekë dhe infermierë për të kuruar pacientët.

Organizata Botërore e Shëndetit thotë se 96 njerëz kanë vdekur nga koronavirusi në Filipine, një vend me 105 milion njerëz. Punonjësit e sektorit të shëndetësisë po paralajmërojnë një krizë të thellë në sistem, nëse ndihma e duhur nuk vjen së shpejti.

Burimi: CNN|Përktheu dhe Përshtati: JOQ Albania